"WhatsApp" yaxın günlərdə istifadəçilərə daha bir yenilik təqdim edib.
"Operativ Məlumat Mərkəzi-OMM" xarici KİV-ə istinadən xəbər verir ki, yenilik zəng xidməti ilə bağlıdır.
Belə ki, “WhatsApp” istifadəçilərə naməlum nömrələrdən gələn zəngləri susdurmağa imkan verən yeni təhlükəsizlik funksiyaları əlavə edib. Funksiyalara naməlum nömrələr üçün səsi söndürmək və məxfilik yoxlaması daxildir.
Birinci funksiya avtomatik olaraq spamları, həmçinin fırıldaqçılardan və yad adamlardan gələn zəngləri filtrasiyadan keçirəcək. Səsin söndürülməsinə baxmayaraq, “Zənglər” bölməsində onların arasında vaciblərin olub-olmadığını görmək mümkündür.
İkincisi, istifadəçilərə mesencerdə özlərini necə qorumaq barədə məlumat vermək üçün məxfilik yoxlanışı əlavə edilib.
