“Rusiya Prezidenti Vladimir Putin və ABŞ Prezidenti Donald Tramp arasında 15 avqustda Alyaskada keçiriləcək sammitin əsas mövzusu Ukrayna böhranının həlli olacaq, eyni zamanda digər məsələlərə də toxunulacaq”.
"Operativ Məlumat Mərkəzi-OMM" Xəbər verir ki, bu sözləri Rusiya Prezidentinin xarici siyasət məsələləri üzrə köməkçisi Yuri Uşakov deyib.
“Sammitin gündəliyinə gəlincə, yəqin ki, hamıya aydındır ki, əsas mövzu Ukrayna böhranının həlli olacaq. Bu, ABŞ Prezidentinin xüsusi elçisi Stiv Uitkoffun da iştirak etdiyi və 6 avqustda Kremlin təşkil etdiyi müzakirələr fonunda qiymətləndiriləcək”, – Uşakov bildirib.
“Lakin, təbii ki, sammitdə həm də sülh və təhlükəsizliyin təmin olunması ilə bağlı daha geniş məsələlər, həmçinin aktual və kəskin beynəlxalq və regional mövzular da müzakirə olunacaq”, – o əlavə edib.
