Ukrayna silahlı qüvvələri yaxın gələcəkdə başlayacaq əks-hücum üçün lazım olan minimum silahlara malikdir.
"Operativ Məlumat Mərkəzi-OMM" xəbər verir ki, bu barədə Yaponiyanın NHK telekanalına müsahibəsində Ukrayna Müdafiə Nazirliyinin baş kəşfiyyat idarəsinin rəisi Kirill Budanov bildirib.
“Bizim artıq minimum lazımi silahlarımız var. Yalnız onu deyə bilərəm ki, əks-hücum yaxın vaxtlarda başlanacaq”, - deyə Budanov bildirib.
Eyni zamanda o bəyan edib ki, əməliyyatları uğurla davam etdirmək üçün Ukrayna ordusuna hələ də çoxlu silah, döyüş təyyarələri və sursat ehtiyatı lazımdır.
