Ukraynanın FPRT şirkəti Danimarkada bərk raket yanacağının istehsalına başlayacaq.
"Operativ Məlumat Mərkəzi-OMM"xəbər verir ki, bu barədə Danimarka Biznes Aparatına istinadən ''TV2'' məlumat yayıb.
"Danimarka Biznes Təşkilatının milli müdafiə üçün mühüm əhəmiyyət kəsb etdiyi layihə, şirkətin 2025-ci il dekabrın 1-də istehsala başlaması gözlənildiyi üçün vaxtında və səmərəli həyata keçirilməsini təmin etmək üçün bir sıra mövcud qanunvericilik tələblərindən azad edilməsini tələb edir",- deyə məlumatda bildirilib.
Telekanalın məlumatına görə, istehsal Vojensdəki hərbi hava qüvvələri bazasının yaxınlığında yerləşdiriləcək.
Avqustun 24-də Ukraynanın müdafiə naziri Denis Şmıxal bildirib ki, Ukrayna və İsveç hər iki ölkənin ərazisində müdafiə təyinatlı məmulatların birgə istehsalı barədə razılığa gəliblər. İdarə rəisi qeyd edib ki, saziş iki ölkənin bu sahədə birgə səylərini aktuallaşdırır, müdafiə sənayesində birgə layihələrin həyata keçirilməsinə şərait yaradır, ölkələr arasında əməkdaşlığın davamlılığını və qarşılıqlılığını təmin edir.
