Türkiyənin enerji və təbii sərvətlər naziri Alparslan Bayraktar rəsmi təmaslar üçün Suriyanın paytaxtı Dəməşqə gedib.
"Operativ Məlumat Mərkəzi-OMM" xəbər verir ki, bununla bağlı "TRT Haber" məlumat yayıb.
Nazir və onu müşayiət edən heyət Suriya Prezidenti Əhməd Şara tərəfindən qəbul ediləcək.
Bayraktar Dəməşqdə suriyalı həmkarı Məhəmməd Bəşirlə görüşəcək. Görüşün yekununda iki ölkə arasında enerji, mədənçıxarma və karbohidrogen sahələrində əməkdaşlıq sazişinin imzalanması gözlənilir.
