Türkiyə XİN başçısı Böyük Britaniyaya səfər edəcək

Türkiyənin xarici işlər naziri Hakan Fidan Ukraynaya dəstəklə bağlı konfransda iştirak etmək məqsədilə Böyük Britaniyaya səfər edəcək.

"Operativ Məlumat Mərkəzi-OMM" xəbər verir ki, bu barədə Türkiyənin Xarici İşlər Nazirliyindən bildirilib.

Səfər çərçivəsində H.Fidanın bir sıra ikitərəfli görüşlər keçirəcəyi gözlənilir.

Toplantı 21-22 iyunda baş tutacaq.

İclasda Ukraynanın reinteqrasiyası ilə bağlı məsələlər müzakirə olunacaq.