Afət Ziyadqızı
Hakim Ədalət və İnkişaf Partiyasının sözçüsü Ömər Çelik Suriyada Bəşər Əsəd administrasiyasının devrilməsi ilə nəticələnən hadisələr zamanı Türkiyənin Heyət Təhrir əş-Şam (HTŞ) təşkilatını dəstəkləmədiyini deyib.
"Operativ Məlumat Mərkəzi-OMM" xəbər verir ki, Çelik bu barədə "Habertürk" televiziyasına açıqlamasında bildirib.
"Bəziləri Türkiyənin HTŞ-ni dəstəklədiyini və bütün bu hücumların əmrini verdiyini iddia edir. Bu tamamilə yanlışdır",- deyə Çelik vurğulayıb.
O qeyd edib ki, Türkiyə lap əvvəldən qonşu ölkədə qan tökülməsinə və siyasi nizamlanmaya çağırır.
