Türkiyə bu ilin yay aylarından etibarən İraq sərhədinin təhlükəsizliyini tam təmin edəcək.
"Operativ Məlumat Mərkəzi-OMM" xəbər verir ki, bu fikirləri Türkiyə Prezidenti Rəcəb Tayyib Ərdoğan əsgərlərlə iftar yeməyində bildirib.
Türkiyə Prezidenti deyib: “Bu ilin yay aylarından etibarən İraq sərhədimizin təhlükəsizliyini tam təmin edəcəyik, Suriyada isə yarım qalan işlərimizi mütləq tamamlayacağıq”.
Güclü orduya sahib olmağın Türkiyə üçün seçimdən daha çox öhdəlik olduğunu qeyd edən Ərdoğan ölkəsinin son illər müdafiə sənayesi sahəsindəki uğurlarından bəhs edib, hazırda hədəfin insansız sualtı qayıqlar hazırlamaq olduğunu deyib.
Bu günün tarixi əhəmiyyətindən bəhs edən Prezident Ərdoğan Çanaqqala şəhidlərini yad edərək bölgədə terrordan azad bir mühitin yaradılmasını təkcə şəhidlərə deyil, gələcək nəsillərə də bir borc kimi gördüklərini vurğulayıb.
