Gürcüstanda qəzaya uğramış Türkiyənin C-130 təyyarəsinin qara qutusunun tədqiqatı davam etdirilir.
"Operativ Məlumat Mərkəzi-OMM" xəbər verir ki, bu barədə Milli Müdafiə Nazirliyi məlumat yayıb.
Nazirlik qara qutunun Türk Aerokosmik Sənayesində (TUSAŞ) tədqiq olunduğunu, eyni zamanda, hadisə yerində araşdırmaların davam etdiyini açıqlayıb.
Xatırladaq ki, noyabrın 11-də Azərbaycandan Türkiyəyə istiqamətlənən Türkiyəyə məxsus C130 tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 hərbçinin hamısı həyatını itirib.
