Ankara İraqın Türkiyədə qadağan olunmuş Kürdüstan Fəhlə Partiyasını (PKK) terror təşkilatı elan etməsini gözləyir.
"Operativ Məlumat Mərkəzi-OMM" xəbər verir ki, CNN Türk-ün məlumatına görə, müvafiq çərçivə sazişi üzərində iş davam edir.
"Türkiyə İraqın PKK-nı terror təşkilatı elan etməsini gözləyir. Bağdadda razılaşmanın imzalanması məqsədi ilə prezident Ərdoğanın aprelin sonunda İraqa planlaşdırdığı səfərə qədər çərçivə razılaşması üzərində işlər davam etdiriləcək".
Telekanalın məlumatına görə, Ankara planlaşdırılan əməliyyatlar zamanı Bağdaddan hərəkətləri əlaqələndirəcəyini gözləyir.
Daha əvvəl Türkiyə mətbuatında Türkiyə Silahlı Qüvvələrinin yayda Şimali İraqda Kürdüstan Fəhlə Partiyasının fəallarına qarşı genişmiqyaslı quru hərbi əməliyyatı keçirməyi planlaşdırdığı və Bağdadla razılıq əldə edildiyi barədə məlumat yayılmışdı.
