Türkiyədə dəniz qüvvələrinin böyük bir təlimi olan "Mavi Vətən" təlimi başlayır.
"Operativ Məlumat Mərkəzi-OMM" xəbər verir ki, bu barədə Türkiyə KİV-i məlumat yayıb.
Genişmiqyaslı təlimlər Şərqi Aralıq dənizi ilə yanaşı Qara və Egey dənizlərində də keçiriləcək.
10 günlük təlimdə 90 gəmi və 50 təyyarə iştirak edəcək.
Təlimin məqsədi Hərbi Dəniz Qüvvələrini təşkil edən komandanlıqların səmərəliliyini və effektivliyini qiymətləndirmək, bölmələrin əməliyyat hazırlıq səviyyəsini yüksəltmək, qərargahın şəxsi heyətinin və bölmələrinin çoxtərəfli qaydada təhlil və qərar qəbuletmə qabiliyyətini təkmilləşdirməkdir.
