"Real Madrid" qış transfer pəncərəsində "Liverpul"un müdafiəçisi Trent Alexander-Arnoldu almayacaq.
"Operativ Məlumat Mərkəzi-OMM" xəbər verir ki, bu barədə “Relevo” məlumat yayıb.
Məlumata görə, İngiltərə millisinin futbolçusu yayda azad agent kimi "Los Blankos"a keçəcək.
Cari mövsümün ikinci yarısında isə Karlo Ançelotti sağ cinah müdafiəçisi üçün Federiko Valverde, Lukas Vazkes və Raul Asensio arasında seçim edəcək.
Bu mövsüm Trent bütün yarışlarda 27 oyunda 2 qol vurub və 5 məhsuldar ötürmə edib.
