ABŞ Prezidenti Donald Trampın dərhal nüvə silahı sınaqlarına başlanması barədə verdiyi göstəriş, nüvə sınaqlarının necə aparıldığı və onların zərərləri ilə bağlı müzakirələri yenidən gündəmə gətirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yaylb.
Bildiirlib ki, Tramp 29 oktyabrda Müdafiə Nazirliyinə dərhal nüvə silahı sınaqlarına başlanması barədə göstəriş verdiyini açıqlayıb.
Trampın nüvə silahı sınaqları ilə bağlı açıqlaması həm siyasi dairələrdə, həm də ictimaiyyətdə çaşqınlığa səbəb olub.
Trampın ABŞ Strateji Komandanlığına namizəd göstərdiyi Riçard Korell qərarın “nüvə sınağı” mənasına gəlmədiyini düşündüyünü bildirib və əlavə edib:
“Trampın ifadələri nüvə silahlarının bərabər şərtlərdə sınaqdan keçirilməsinə aiddir. Son zamanlarda nə Çin, nə də Rusiya partlayıcı nüvə sınağı aparıb. Buna görə mən bu sözlərdən xüsusi bir məna çıxarmıram və nəticə çıxarmağa əsas görmürəm.”
Demokrat senator Ceki Rozen isə bunun üçün heç bir səbəb olmadığını vurğulayaraq, məsələni dayandırmaq üçün əllərindən gələni edəcəklərini bildirib.
Qeyd edək ki, ABŞ rəsmi olaraq son nüvə sınağını keçmiş prezident Corc H. V. Buş dövründə, 1992-ci ildə həyata keçirmişdi.
