ABŞ prezidenti Donald Tramp Los-Ancelesin yanğınlardan zərər çəkmiş bölgələrinə və quraqlıqdan əziyyət çəkən ərazilərinə su təchizatını artıracağını vəd edib.
"Operativ Məlumat Mərkəzi-OMM" xəbər verir ki, o, bu barədə Kaliforniya sakinləri ilə görüşündə bildirib.
“Bizdə bol su var. Qərb sahilindən, qismən də Kanadadan gələn limitsiz sudan danışırıq. Heç vaxt tükənməyəcək, çatışmazlıq olmayacaq. Qonşu regionlardan su təchizatının artırılması, həmçinin su anbarlarının tikintisi nəzərdə tutulur”, - Tramp qeyd edib.
Tramp vurğulayıb ki, vilayətdə hidrantların böyük bir hissəsi işləmir və işləyənlərdə su təzyiqi aşağıdır. Bundan əlavə, evlərdəki yanğınsöndürmə sistemləri alovun öhdəsindən gələ bilməyib.
