Amerika Birləşmiş Ştatlarının (ABŞ) keçmiş prezidenti Donald Tramp bu dəfə fərqli istintaqla bağlı ifadə verib.
"Operativ Məlumat Mərkəzi-OMM" xarici KİV-ə istinadən xəbər verir ki, Tramp əlverişli kreditlər və vergi güzəştləri əldə etmək üçün müəyyən əmlakların dəyərlərinə və xalis gəlirlərinə müdaxilə etməkdə ittiham olunur.
Belə ki, 250 milyon dollarlıq dələduzluq işi ilə bağlı Nyu Yorka gələn Tramp təxminən 7 saat prokurorluqda qalıb. Tramp və onun komandası illər ərzində müvafiq kreditlər və vergi güzəştləri əldə etmək üçün fırıldaqçılıqda ittiham olunurlar.
Trampın banklar, otellər və qolf meydançaları kimi aktivlərinin dəyəri barədə yalan məlumat verdiyi iddia edilir.
Tramp prokurorluğa getməzdən əvvəl sosial şəbəkədə bunları yazıb: “Mənə qarşı seçkiyə müdaxilə məqsədi daşıyan bütün işlər kimi, bu da gülüncdür”.
