Nyu-York məhkəməsi ABŞ-nin yeni seçilmiş Prezidenti Donald Tramp barəsində şərtsiz azad etmə qərarı çıxarıb.
"Operativ Məlumat Mərkəzi-OMM" xarici KİV-ə istinadən verdiyi xəbərə görə, məhkəməyə videobağlantı vasitəsilə qatılan yeni dövlət başçısı 34 maddə üzrə təqsirli bilinib.
Ancaq məhkəmə prezident institutuna hörmət edərək Donald Trampı cəzadan azad etmək qərarına gəlib.
Hökm onu hər hansı həbs, cərimə, sınaq müddəti və ya Ağ Evə qayıtmasına təsir edə biləcək digər məhdudiyyətlərdən qeyd-şərtsiz azad edəcək.
Tramp hökmdən əvvəl Floridadakı Mar-a-Laqo malikanəsində jurnalistlərə açıqlamasında komandasının məhkəmənin qərarından asılı olmayaraq apellyasiya şikayəti verəcəyini bildirib.
Qeyd edək ki, Donald Tramp ABŞ tarixində cinayət əməllərində ittiham olunan ilk prezidentdir. Onun barəsində ümumilikdə 4 cinayət işi açılıb.
