Gürcüstan polisi fevralın 2-də Tiflisdə etiraz aksiyası zamanı mərkəzi magistral yolu qanunsuz olaraq bağlamağa cəhd edən 31 müxalifət tərəfdarını saxlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, saxlanılanların hamısı inzibati xəta ilə bağlı məsuliyyətə cəlb edilib.
Saxlanılanlardan bəziləri müxalif “Dəyişiklik Koalisiyası” partiyasının lideri Nika Melia da daxil olmaqla, məhkəmə qarşısına çıxmaq üçün zaminə buraxılıb.
Fevralın 2-də bir neçə yüz müxalifət tərəfdarı Tiflisə gedən magistral yolu bağlamağa cəhd etsə də, polis onlara imkan verməyib.
