Tailandın Baş naziri Petonqtarn Şinavatra vəzifəsindən azad edilib.
"Operativ Məlumat Mərkəzi-OMM" BBC-yə istinadən xəbər verir ki, Tailandın konstitusiya məhkəməsi onu Kambocanın keçmiş Baş naziri Hun Senlə telefon danışığı zamanı etik normaları pozmaqda və öz maraqlarını milli maraqlardan üstün tutmaqda ittiham edib.
Şinavatra Kambocanın Baş naziri ilə söhbətini şəxsi telefon danışığı adlandırıb və məqsədinin zorakılıq olmadan sülhə nail olmaq olduğunu deyib.
Qeyd edək ki, mətbuata sızdırılan telefon danışğında Tailandın Baş naziri kambocalı həmkarını “əmi” adlandırıb və Tailand ordusunun yüksək rütbəli rəsmisini tənqid edərək onu özünə rəqib hesab etdiyini deyib.
