Tacikistanın bir sıra bölgələrində yağan güclü yağışlar nəticəsində 13 nəfər ölüb.
"Operativ Məlumat Mərkəzi-OMM" xəbər verir ki, bu barədə TASS məlumat yayıb.
“Güclü yağışlar nəticəsində Vəhdət şəhəri və Rudəki bölgəsində təbii fəlakət baş verib, nəticədə 13 nəfər, o cümlədən Vəhdət şəhərində 11, Rudəki rayonunda iki nəfər həlak olub”, - məlumatda deyilir.
Dövlət başçısı həlak olanların ailələrinə başsağlığı verib, onlara yardım göstərməyi, fövqəladə vəziyyətin nəticələrinin aradan qaldırılması üçün təxirəsalınmaz tədbirlər görməyi ölkənin baş nazirinə, Fövqəladə Hallar və Mülki Müdafiə Komitəsinə və digər strukturlara tapşırıb.
