Suriyadan Livana yüzlərlə minanı qaçaqmalçılıq yolu ilə keçirmək cəhdinin qarşısı alınıb.
"Operativ Məlumat Mərkəzi-OMM" “Al Arabiyya” telekanalına istinadən xəbər verir ki, qaçaqmalçılardan biri Suriya təhlükəsizlik qüvvələri tərəfindən öldürülüb, digər dörd nəfər isə həbs edilib.
Məlumata görə, zərərsizləşdirilən dəstə üzvləri minaları Hizbullaha ötürmək üçün Livana keçirməyə çalışıb.
Suriyanın Livanla sərhədə yaxın olan Yabrud adlı bölgəsinin təhlükəsizlik direktoru 1250 minanın Suriya təhlükəsizlik qüvvələri tərəfindən ələ keçirildiyini bildirib.
Qeyd edək ki, Suriyada keçmiş Prezident Bəşər Əsədin hakimiyyət dövründə Suriya Hizbullaha silah transferi üçün əsas koridor rolunu oynayıb.
