Azərbaycan televiziyalarının maliyyə dəstəyinə ehtiyacı var.
Bu barədə Audiovizual Şurasının sədri İsmət Səttarov "Operativ Məlumat Mərkəzi-OMM"-ə məlumat verib.
Onun sözlərinə görə, televiziyalara maliyyə dəstəyinin göstərilməsi tək Azərbaycan deyil, əksər ölkələr üçün aktual məsələdir:
"Televiziya sahəsinin gəlirləri ildən-ilə azalır xərclər isə artır. Televiziyaların kommersiya gəlirləri demək olar ki, artmır. Amma bununla yanaşı, Azərbaycanda işçilərin əmək haqqının artdığını da diqqətə çatdırmaq istəyirəm. Təbii ki, televiziyalarımızın dəstəyə ehtiyacı var. Bu mövzu ətrafında təkliflərimizi hazırlayırıq".
