Rusiya Müdafiə Nazirliyinin HHM sistemi Moskvaya hücum edən daha bir pilotsuz uçuş aparatını (PUA) vurub.
"Operativ Məlumat Mərkəzi-OMM" TASS-a istinadən xəbər verir ki, bu barədə paytaxtın meri Sergey Sobyanin öz “Telegram” kanalında yazıb.
"Moskvaya hücum edən daha bir PUA vurulub. Dronun qalıqlarının düşdüyü ərazidə fövqəladə hallar üzrə xidmətlərin mütəxəssisləri işləyirlər", - mer bildirib.
İki saat ərzində Sobyanin paytaxta yönəlmiş üç PUA-nın HHM sistemi tərəfindən zərərsizləşdirildiyi barədə məlumat verib.
Rusiya Müdafiə Nazirliyinin məlumatına görə, HHM qüvvələri saat 12:05-dən 13:55-dək Ukraynanın 14 PUA-sını vurub, onlardan üçü Moskva regionu üzərində zərərsizləşdirilib.
***
Hava Hücumundan Müdafiə (HHM) sistemi Moskvaya doğru uçan pilotsuz uçuş aparatını (PUA) zərərsizləşdirib.
"Operativ Məlumat Mərkəzi-OMM" TASS-a istinadən xəbər verir ki, bu barədə şəhərin meri Sergey Sobyanin məlumat verib.
"Müdafiə Nazirliyinin HHM qüvvələri Moskvaya yönəlmiş pilotsuz təyyarəni vurub. Dron qalıqlarının düşdüyü ərazidə fövqəladə hallar üzrə xidmətlərin mütəxəssisləri işləyirlər", - mer yazıb.
