Azərbaycan cüdoçusu Rüstəm Orucov Portuqaliyanın Almada şəhərində keçirilən Qran-pri turnirində iştirak etməyəcək.
Federasiyadan "Operativ Məlumat Mərkəzi-OMM"-yə verilən məlumata görə, 81 kq çəki dərəcəsində yer alan idmançı xəstələndiyi üçün milli komandanın həkiminin qərarına əsasən tatamiyə çıxmayacaq.
Yarışdan öncə 38 dərəcədən yuxarı qızdırması olan Orucovun müalicəsinə dərhal başlanılıb və ən qısa zamanda sağalıb döşəyə geri dönməsi üçün bütün lazımi tədbirlər görülür.
