Avropa İttifaqının xarici siyasət və təhlükəsizlik məsələləri üzrə Ali Nümayəndəsi Kaya Kallas Rusiyanın Kiyev və ətraf bölgələrə qarşı həyata keçirdiyi genişmiqyaslı raket hücumunu "sülh səylərinə istehza" adlandırıb.
"Operativ Məlumat Mərkəzi-OMM" xəbər verir ki, bu barədə siyasətçi "X" hesabında paylaşım edib.
O, həmçinin Ukrayna böhranının nizamlanması ilə bağlı danışıqlara başlamağın vacib olduğunu qeyd edib.
Bundan əvvəl Ukrayna prezidenti Volodimir Zelenski Macarıstan və Çini Rusiyanın Ukrayna ərazilərinə endirdiyi hücumlara reaksiya verməyə çağırmışdı.
Qeyd edək ki, 14 və 22 avqust tarixlərində Ukrayna Silahlı Qüvvələri Rusiyanın Macarıstan və Slovakiyaya neft ixrac etdiyi “Drujba” (Dostluq) boru kəmərinə hücumlar həyata keçirmişdi.
