ABŞ prezidenti Donald Tramp bildirib ki, sülh danışıqlarına baxmayaraq, Rusiyanın Ukraynaya raket hücumları onu məyus edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Donald Tramp Morristovn hava limanında "Air Force One" təyyarəsinə minməzdən əvvəl jurnalistlərə ölkəsinin xarici siyasəti ilə bağlı açıqlama verib.
Tramp Ukrayna prezidenti Vladimir Zelenski ilə son görüşünün yaxşı keçdiyini, lakin danışıqlar zamanı davam edən bombardmanlardan təəccübləndiyini deyib.
Rusiya prezidenti Vladimir Putinlə bağlı "məyusluğunu" vurğulayan Tramp bildirib: "Rusiyanın raket atması məni çox məyus etdi. Çox məyus oldum. Mən istəyirəm ki, o, Ukraynaya atəş etməyi dayandırsın, müqavilə imzalasın. İnanıram ki, müqavilənin məhdudiyyətləri var. Putindən onu imzalamasını və həyatına qayıtmasını istəyirəm".
