Rusiya Silahlı Qüvvələri Ukraynanın Xarkov vilayətinin Lukyanivtsi kəndini işğal edib.
"Operativ Məlumat Mərkəzi-OMM" xəbər verir ki, bunu Ukrayna Müdafiə Nazirliyinə yaxın OSINT-layihə olan “DeepState” teleqram kanalı açıqlayıb.
Bildirilib ki, işğalçı qüvvə regionun Vovçansk şəhərinin yaxınlığında, Hlıboke, Yahidne, Pervomayski, Krasnohorivka və Verbove ərazilərində irəliləyib. Eyni zamanda, Zelenedəki vəziyyətə aydınlıq gətirilib. Bu yaşayış məntəqəsi ilə uzun müddət əlaqə yox idi, bu səbəbdən işğal edildiyi güman edilirdi.
