ABŞ Federal Aviasiya Administrasiyası (FAA) Ronald Reyqan hava limanı yaxınlığında helikopter uçuşlarına qadağa qoymağı planlaşdırır.
"Operativ Məlumat Mərkəzi-OMM" xəbər verir ki, bu barədə “The Wall Street Journal” mənbələrə istinadən məlumat yayıb.
Nəşrin məlumatına görə, FAA hava məkanının təhlükəsizliyini yaxşılaşdırmaq üçün uzunmüddətli tədbirlər çərçivəsində helikopter uçuşlarına daimi məhdudiyyətlər tətbiq etmək istəyir.
Yanvarın 29-da axşam Ronald Reyqan Vaşinqton Beynəlxalq Hava Limanı yaxınlığında səmada "American Airlines" sərnişin təyyarəsi və "Army Black Hawk" helikopteri toqquşub və çaya düşüb.
Təyyarə qəzasında 67 nəfər həlak olub.
