ABŞ prezidenti Donald Tramp Amerikanın “Tomaqavk” tipli qanadlı raketlərini Ukraynaya ötürməkdən imtina edib.
"Operativ Məlumat Mərkəzi-OMM" xəbər verir ki, bu barədə “Reuters” agentliyi Ağ Evdəki mənbəyə istinadən məlumat yayıb.
Məlumata görə, Tramp oktyabrın 17-də Vaşinqtonda Ukrayna prezidenti Vladimir Zelenski ilə görüşü zamanı bu məsələni birbaşa müzakirə edib və rəsmi şəkildə “yox” cavabı verib.
Agentliyin mənbəsi bildirib ki, görüşdə Tramp həm Kiyev, həm də Moskva üçün təhlükəsizlik zəmanətləri məsələsinə də toxunub.
Xatırladaq ki, bundan əvvəl Tramp “Tomaqavk” raketlərinin Ukraynaya verilməsi ehtimalını nəzərdən keçirdiyini bildirmiş, lakin “ABŞ bütün silahlarını təhvil verə bilməz” sözləri ilə bu qərarın riskli olduğunu vurğulamışdı.
“Tomaqavk” raketləri uzaqmənzilli, yüksək dəqiqlikli zərbə vasitəsi hesab olunur və hazırda əsasən ABŞ donanmasının arsenalında istifadə olunur.
