Qəzza zolağına soyqırımı törədən İsrail ordusunun son hücumlarında aralarında uşaqların da olduğu 12 fələstinli həyatını itirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İsrail Qəzza zolağının müxtəlif yerlərində didərgin düşmüş fələstinlilərin evlərinə, binalarına və çadırlarına hücumlarını davam etdirir.
Xəstəxana mənbələrindən alınan məlumata görə, İsrailin Qəzza zolağının mərkəzindəki Deyr əl-Bələh şəhərinin qərbində Banna çörək zavodu yaxınlığındakı bir evə təşkil etdiyi hava hücumu nəticəsində bir qız ölüb, digərləri isə yaralanıb.
Şahidlərin bildirdiyinə görə, İsrail artilleriyası Qəzza zolağının mərkəzində Nusayrat Qaçqınlar Düşərgəsinin şimalında yerləşən Maqraka qəsəbəsini atəşə tutub.
