İsrailin Qəzzaya endirdiyi zərbələr nəticəsində 1000-dən çox ev dağılıb.
"Operativ Məlumat Mərkəzi-OMM" xəbər verir ki, bu barədə BMT-nin Humanitar Məsələlərin Əlaqələndirilməsi İdarəsinin (OCHA) bəyanatında deyilir.
Vurğulanıb ki, 560-dan çox evə isə ciddi ziyan dəyib, ölən və yaralananlar var.
263 mindən çox insan evlərini tərk etmək məcburiyyətində qalıb ki, bu da oktyabrın 10-u ilə müqayisədə 40% çoxdur.
Qəzza zolağındakı 13 xəstəxananın hamısı dərman və yanacaq çatışmazlığı səbəbindən məhdud güclə işləyir. 650 min insan içməli suya çıxışda çətinlik çəkir. Yeddi su təchizatı obyektinə ziyan dəyib.
Qeyd olunub ki, İsrailin zərbələri nəticəsində Qəzza zolağında Xan Yunis məscidi dağıdılıb.
