Afət Ziyadqızı
Qətər humanitar layihələrə dəstək çərçivəsində ölkəyə 100 milyon dollar ayıracaq.
"Operativ Məlumat Mərkəzi-OMM" xəbər verir ki, bu barədə Ukraynanın Baş naziri Denis Şmıqal teleqramda bildirib.
Hökumət başçısı əlavə edib ki, pul səhiyyə və təhsilə, eləcə də minalardan təmizləməyə yönəldiləcək.
Şmıqal əlavə edib ki, tərəflər iqtisadi, ticarət və texniki sahələrdə əməkdaşlıq haqqında razılığa gəliblər.
Qeyd edək ki, Qətərin hökumət başçısı, xarici işlər naziri Şeyx Məhəmməd bin Əbdül Rəhman Əl Tani Kiyevdə səfərdədir. Nazir Ukrayna Prezidenti Volodimir Zelenski ilə görüşdə qlobal ərzaq təhlükəsizliyinin təmin edilməsi, taxıl sazişinin davam etdirilməsi məsələlərini müzakirə edib.
