Avropa “müharibəqabağı” dövrünü yaşayır və Avropa pisləşən təhlükəsizlik mühitində “hər cür ssenarilərin” inkişaf ehtimalından narahatdır.
"Operativ Məlumat Mərkəzi-OMM" xəbər verir ki, bu barədə “El Pais” nəşrinə müsahibəsində Polşanın Baş naziri Donald Tusk deyib.
"Hazırda bizi ən çox narahat edən odur ki, sözün əsl mənasında hər bir ssenari mümkündür... Biz müharibədən əvvəlki dövrdə yaşayırıq. Mən şişirtmirəm. Bu, hər gün daha aydın görünür".
Onun sözlərinə görə, Avropa 1945-ci ildən bəri belə bir inkişafla qarşılaşmayıb.
Bununla bağlı o, Qərb ölkələrini münaqişədə Kiyevə yardımı davam etdirməyə və “ölkənin müstəqil və ayrılmaz dövlət kimi qorunub saxlanmasını” müdafiə etməyə çağırıb. Polşanın baş naziri Ukraynada münaqişənin uzadılmasının mümkünlüyünü istisna etməyib.
