ABŞ millisinin baş məşqçisi Maurisio Poçettino "Tottenhem"ə mümkün qayıdışından danışıb.
"Operativ Məlumat Mərkəzi-OMM" xəbər verir ki, bu barədə "TalkSport" məlumat yayıb.
"Düzünü desəm, “Tottenhem”dən ayrılarkən bir gün qayıdacağımı düşünürdüm. Ayrılanda özümü yarımçıq kimi hiss etdim və bu səbəbdən geri qayıtmaq əla olardı".
Argentinalı 2014-2019-cu illərdə "Spurs"a rəhbərlik edib.
Məşqçi daha sonra PSJ və "Çelsi"də çalışıb.
Qeyd edək ki, Maurisio Poçettino ötən ilin sentyabrında ABŞ millisinin baş məşqçisi vəzifəsinə keçib və 2026-cı il dünya çempionatının sonuna qədər müqavilə imzalayıb.
