ABŞ Energetika Naziri Kris Rayt Prezident Donald Trampın göstərişi ilə keçiriləcək yeni nüvə silahı sınaqlarının nüvə partlayışlarını əhatə etməyəcəyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Nazir ABŞ-nin nüvə silahı sınaqları planı ilə bağlı məlumat verib.
Rayt qeyd edib ki, planlaşdırılan nüvə silahı sınaqlarına partlayışlar daxil olmayacaq: “Hazırda söhbət etdiyimiz sınaqlar sistem sınaqlarıdır. Bunlar nüvə partlayışları deyil, biz onlara kritik olmayan partlayışlar deyirik".
Nazir əlavə edib ki, bu sınaqlar silahların düzgün geometrik quruluşa malik olduğuna və nüvə partlayışını başlatmaq üçün lazım olan sistemi təmin etdiyinə əmin olmaq məqsədilə nüvə silahının digər bütün komponentlərini əhatə edir.
