İran Prezidenti Məsud Pezeşkian qarşıdakı iki həftə ərzində Ermənistana rəsmi səfər etməyi planlaşdırır.
"Operativ Məlumat Mərkəzi-OMM" xəbər verir ki, bu barədə məlumatı İranın xarici işlər naziri Abbas Əraqçi Tehran televiziya kanalına verdiyi müsahibədə açıqlayıb.
Əraqçinin sözlərinə görə, İranın qonşu ölkələrlə münasibətlərinin inkişafı hazırda Tehranın xarici siyasətinin əsas prioritetlərindəndir.
Nazir bildirib ki, Pezeşkian artıq İraq, Azərbaycan, Türkmənistan, Tacikistan, Pakistan, Oman və Qətərə səfərlər edib, Ermənistan səfəri isə növbəti istiqamət olacaq.
