"Türk rəhbərliyinə, müzakirələrin aparılması üçün yaratdığı şəraitə görə ayrıca minnətdarıq".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
Həmçinin Rusiya Prezidenti Vladimir Putin ilə ABŞ Prezidenti Donald Trampın Çində görüşməsi ehtimalına toxunan Peskov, Putinin sentyabr ayının əvvəlində Çinə səfər etməyi planlaşdırdığını, lakin Putin-Tramp görüşü üçün hazırda heç bir hazırlığın aparılmadığını da bildirib.
"Əgər ABŞ Prezidenti həmin tarixlərdə Çini ziyarət etmək qərarına gələrsə, ikitərəfli görüş ehtimal xaricində deyil. Amma bu mövzuda hələ heç bir hazırlıq yoxdur. Əvvəlcə ekspert səviyyəsində işlər görülməlidir", - o qeyd edib.
