Rəsmi Kreml ABŞ Prezidenti Donald Trampın Ukraynadakı münaqişənin həllinə dair müddətlərin qısaldılması və yüksək səviyyəli təmaslarda maraqlı olmaması ilə bağlı bəyanatı ilə tanış olub.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
Bildirilib ki, Kremlin sözçüsü Dmitri Peskov brifinq zamanı bu barədə danışıb.
“Biz Prezident Trampın dünənki bəyanatını nəzərə aldıq", - o qeyd edib.
Tramp daha əvvəl Rusiya ilə Ukrayna arasında razılaşmaların əldə olunması üçün 50 günlük bir müddət verdiyini, əks halda Moskva və onun ticarət tərəfdaşlarına qarşı 100 faiz gömrük rüsumları tətbiq edəcəyini bəyan etmişdi. Lakin ötən günü ABŞ Prezidenti müddəti 10-12 günə endirdiyini bildirib. Bundan əlavə, Tramp artıq Rusiya Prezidenti Vladimir Putinlə danışmaqda maraqlı olmadığını da deyib.
