Pakistanın Bəlucistan əyalətində sərnişin avtobusunun yanması nəticəsində 3 nəfər ölüb, 10 nəfər yaralanıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Belə ki, Bəlucistan əyalətinin Lasbela bölgəsindəki Milli şosse üzərində Kəraçidən Kvetta şəhərinə gedən 28 sərnişini olan avtobus yanıb. Səfər zamanı qəfildən yanmağa başlayan avtobusun söndürülməsi üçün bölgəyə yanğınsöndürən maşınların göndərildiyi, qrupların sıxışmış sərnişinləri avtomobildən çıxardığı qeyd edilib. Bir çox sərnişin yanan avtobusdan tullanaraq xilas olub.
Yaralılardan bəzilərinin vəziyyətinin ağır olduğu və ölənlərin sayının artacağı ilə bağlı qorxuların olduğu bildirilib. Yanğınsöndürənlərin qısa müddətdə alovu söndürdüyü, hadisənin baş verdiyi magistralın müvəqqəti olaraq nəqliyyatın hərəkətinə bağlandığı bildirilib.
Pakistanda sərnişin avtobusu yanıb, ölənlər var
1 dəq
