Pakistanda təsirli olan musson yağışları nəticəsində iyunun 25-dən bu yana 14-ü uşaq olmaqla 50 nəfər həyatını itirib, 87 nəfər isə yaralanıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Milli Fəlakətlərin İdarə Edilməsi Agentliyinin (NDMA) bəyanatında deyilib.
İyunun 25-dən bəri Pəncab əyalətində güclü yağışlar nəticəsində 10-u uşaq olmaqla 34 nəfər, Hayber Paxtunxva əyalətində isə 4-ü uşaq olmaqla 10 nəfər ölüb.
Davam edən yağışlar nəticəsində 60-dan çox evə ziyan dəyib.
Hər il iyun-sentyabr aylarında baş verən musson yağışları Pakistana böyük ziyan vurur.
