OMM Redaksiyası
Türkiyədə səfərdə olan Pakistanın Baş naziri Şahbaz Şərif zəlzələ ilə bağlı vəziyyətlə tanış olmaq üçün Adıyamana gedib.
"Operativ Məlumat Mərkəzi - OMM" xəbər verir ki, Şahbaz Şərif Adıyaman Universitetində Türkiyənin nəqliyyat və infrastruktur naziri Adil Karaismailoğlu və ticarət naziri Mehmet Muşla birgə mətbuat konfransında iştirak edib.
O, Türkiyənin bu fəlakətin öhdəsindən gələcəyini vurğulayıb.
Baş nazir axtarış-xilasetmə tədbirlərində iştirak edən Pakistan heyətinin fəaliyyətini də yüksək dəyərləndirib.
