Bakıda "Neftçi" ilə Rusiyanın "Zenit" komandası arasında keçiriləcək yoldaşlıq oyununun tarixi və yeri bəlli olub.
Paytaxt klubunun mətbuat xidmətindən "Operativ Məlumat Mərkəzi-OMM"-ə verilən məlumata görə, görüş noyabrın 18-də “Neftçi Arena”da oynanılacaq.
Matçın başlama saatının isə hələ dəqiqləşmədiyi bildirilib.
Qeyd edək ki, "Neftçi" bu ilin iyulunda Rusiyanın Sankt-Peterburq şəhərində təşkil olunmuş "Matç TV" turnirində "Zenit"lə qarşılaşıb və rəqibinə 1:3 hesabı ilə uduzub.
