Afət Ziyadqızı
NATO Ukraynaya silah daşınmasını sürətləndirmək üçün alyansın Şərqi Avropa ölkələrində logistika mərkəzləri yaratmağı planlaşdırır.
"Operativ Məlumat Mərkəzi-OMM" xəbər verir ki, bunu Vaşinqtonda keçirilən alyansın sammiti çərçivəsində alyansın baş katibi Yens Stoltenberq deyib.
“Komandirlik Almaniyada olacaq, lakin alyansın şərq hissəsində də logistika mərkəzləri yaradılacaq”, - o deyib.
Stoltenberq qeyd edib ki, sammitdə alyans ölkələrinin liderləri Ukraynaya əhəmiyyətli yardım paketini təsdiq etməlidir.
NATO-nun baş katibinin sözlərinə görə, yeni paketə digər məsələlərlə yanaşı, Kiyevə silah çatdırılmasını əlaqələndirmək üçün komandanlığın yaradılması və ukraynalı əsgərlərin təlimi də daxil edilməlidir.
