Ermənistan Respublikasının xarici işlər naziri Ararat Mirzoyan Hindistanın xarici işlər naziri Subrahmanyam Caişankar ilə görüşün təfərrüatlarını açıqlayıb.
"Operativ Məlumat Mərkəzi-OMM" xəbər verir ki, bu barədə xarici işlər naziri Ararat Mirzoyan özünün “X” hesabında yazıb.
“Biz ikitərəfli gündəliyimizin əsas mövzuları üzrə səmərəli müzakirələr apardıq, əldə etdiyimiz mühüm irəliləyişlərə toxunduq və Ermənistan-Hindistan tərəfdaşlığının daha da dərinləşdirilməsi yollarını qeyd etdik”, - deyə Mirzoyan regional və beynəlxalq tədbirlər üzrə tərəfdaşı ilə müzakirədən məmnunluğunu ifadə edib.
Hindistanın xarici işlər naziri görüşdə ticarət, investisiya, təhsil, kommunikasiya və mədəni inkişafla bağlı məsələlərin müzakirə edildiyinə aydınlıq gətirib.
