"Mançester Yunayted"in mərkəz yarımmüdafiəçisi Kobbi Mainu daha bir Avropa nəhənginin maraq dairəsinə düşüb.
"Operativ Məlumat Mərkəzi-OMM" "TEAMtalk"a istinadən xəbər verir ki, ingilis futbolçu üçün yarışa “Mançester Siti” də qoşula bilər.
Klubunqış transfer pəncərəsində yarımmüdafiəçini heyətinə qatmaq istədiyi bildirilir. Bununla belə, "Nyukasl" Mainu almaq üçün favorit hesab olunur.
Bəzi mətbuat orqanlarının məlumatına görə, yarımmüdafiəçi ilə "Çelsi", "Everton" və "Aston Villa" maraqlanır.
Kobbi Mainu bu mövsüm "Mançester Yunayted"in heyətində 3 oyuna çıxıb, 1 məhsuldar ötürmə edib. Onun ingilis klubu ilə müqaviləsi 2027-ci ilin yayına kimi nəzərdə tutulub.
