"Milan"ın qapıçısı Mayk Maignanın gələcəyi qeyri-müəyyən olaraq qalır.
"Operativ Məlumat Mərkəzi-OMM" "La Gazzetta dello Sport"a istinadən xəbər verir ki, "Milan" fransız futbolçuya mövsümü 4,5 milyon avro maaşla yeni müqavilə təklif edib.
Bu, Maignanın gözlədiyindən xeyli azdır.
29 yaşlı futbolçu Milan klubundan ildə 6,5-7 milyon avro maaş istəyir.
Bu fonda Premyer Liqa və Bundesliqa klubları Mayk Maignana maraq göstərir.
Fransız futbolçunun "Milan"la hazırkı müqaviləsi 2026-cı ilin ortalarına qədərdir.
Bu mövsüm Maignan "Milan"ın heyətində 48 rəsmi oyun keçirib və bu oyunda 53 qol buraxıb.
