"Palmeiras"da çıxış edən hücumçu Luis Quilerme "Liverpool"a keçə bilər.
"Operativ Məlumat Mərkəzi-OMM" xəbər verir ki, bu barədə "Todofichajes" məlumat yayıb.
Mersisaydlılar 18 yaşlı braziliyalını Məhəmməd Salahın əvəzedicisi hesab edirlər.
Afrikalı hücumçu mövsümün sonunda klubdan ayrılmağa yaxındır. Ona Səudiyyə Ərəbistanı çempionatının klubları maraq göstərir.
Quilerme və "Palmeiras" arasındakı mövcud müqavilənin müddəti 2026-cı ilin iyununda başa çatır.
"Transfermarkt" portalı onun dəyərini 17 milyon avro olaraq qiymətləndirir.
