“Mançester Siti”nin baş məşqçisi Pep Qvardiola UEFA Çempionlar Liqasının 1/8 finalının “Leyptsiq”lə cavab matçından öncə gözləntilərini bölüşüb.
"Operativ Məlumat Mərkəzi-OMM" xarici KİV-ə istinadən xəbər verir ki, o, qələbə qazanmağın önəmini diqqətə çatdırıb:
“1/8 finalın püşkatmasının nəticələrini görəndə dedim ki, “Leyptsiq” həqiqətən, yaxşı komandadır. “Napoli”, “Real”, “Liverpul” – onlar da çox yaxşıdırlar. Bu mərhələdə hər bir komandanın mühüm keyfiyyətləri və güclü tərəfləri var.
Doğma meydanda, azarkeşlərimizin qarşısında özümüzü sübut etməli və qalib gəlməliyik. Nə qədər qol vurmağın fərqi yoxdur. Sadəcə qələbə qazanmaq lazımdır. Biz bunu etməliyik”.
“Mançester Siti” – “Leyptsiq” cütünün cavab oyunu bu gün İngiltərədə keçiriləcək.
