Raul Familoğlu
Yurgen Klinsmann Cənubi Koreya yığmasının baş məşqçisi təyin olunub.
"Operativ Məlumat Mərkəzi-OMM" xəbər verir ki, bu barədə Cənubi Koreya Futbol Assisiasiyası rəsmi saytı vasitəsilə məlumat yayıb.
Almaniyalı mütəxəssis Asiya təmsilçisi ilə 3,5 il müddətinə sözləşmə imzalayıb. Anlaşmaya əsasən, o, DÇ-2026-nın sonuna qədər komandanın “sükanı arxasında” olacaq.
Müqavilənin şərtinə görə, 58 yaşlı məşqçi bu müddət ərzində Cənubi Koreyada yaşayacaq.
Bu postda portuqaliyalı Paulo Bentunu əvəzləyən Klinsmannın debütü martın 24-də, Ulsanda Kolumbiya millisinə qarşı keçiriləcək yoldaşlıq görüşünə təsadüf edəcək.
Klinsmann son olaraq 2019/2020 mövsümündə Almaniyanın “Herta” komandasını çalışdırıb.
