İspaniya mətbuatı Ukraynaya Mi-8 helikopterini qaçıran rus pilot Maksim Kuzminovun qətli barədə məlumat yayıb.
"Operativ Məlumat Mərkəzi-OMM" xəbər verir ki, “Tercera Información” nəşri Kuzminovun ehtimal olunan qətli haqqında yazıb.
Nəşr polisdəki mənbələrə istinadən bildirib ki, Kuzminov qətlin qurbanı olub. Bundan əvvəl İspaniyanın bir neçə KİV-i Villajoyosa bələdiyyəsində iki naməlum şəxsin 33 yaşlı Ukrayna vətəndaşını tapança ilə (Kuzminovun 28 yaşı var) güllələdiyi barədə məlumat yayıb.
Qətllə bağlı məlumat rəsmi təsdiqini tapmayıb.
Ukraynanın Baş Kəşfiyyat İdarəsi Mi-8 helikopterini Ukraynaya qaçıran Maksim Kuzminovun ölümünü təsdiqləyib. Bu barədə RBC-Ukrayna məlumat yayıb.
