Keniyada davam edən leysan yağışların səbəb olduğu daşqınlarda həyatını itirənlərin sayı 44-ə yüksəlib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Keniya Qırmızı Xaç Cəmiyyətindən verilən açıqlamaya görə, keçən aydan bəri davam edən yağışlar təxminən 60 min insanın həyatına mənfi təsir göstərib.
Daşqınlar paytaxt Nayrobiyə də təsir edib və bəzi yollar bağlanıb. Bir çox məhəllələri də su basıb.
Keniya Dəmir Yolları ölkə daxilində şəhərətrafı qatar xidmətlərinin dayandırıldığını açıqlayıb.
